Nawlngaimi Fale

16Jan2012

Ngakchia hna nan nu le nan pa bia ngai hna u, cucu khrihfa rian a si i a hmanmi thil zong a si caah nan tuah awk a si. "Na nu le na pa upat hna" ti hi nawlbia hmasa bik a si i, "cu ti na tuah ahcun na caah a tha lai i ram chung ah saupi na nung lai," tiah chap chihmi a si.(Efesa 6:1-3)

Nu le pa upat le an bia ngaih cu thluachuah hrampi a si. Nu le pa cu kan caah mithmuh khuazing an si. An lung lawmh ter le nuamh ter kan i zuam peng a herh. An nih cu an thi zau lai. An nunchung caan tawi te lawng dawtnak caan le zohkhenhnak caan kan ngei. An thih hnu i dawt timh cu san a tlai te lai lo. David Van Bik nih, "Thihhnu i suithi awih nak cun nun lio i pangpar thi awih a sugnlawi deuh" a ti. An thih hnu ah tangka tampi dih in thlanser, lungdonh, thilman sung lawi thlanthak tehna cu an nun lio ah kan dawt hnalo ningzah silhnalhnak men an si ko. An nun chung te i kan dawt hna le an bia kan ngaih hi an i lawmhnak sang bik a si pin ah kan nih caah vanni phuhlam kan ham a si.